Зад „Стаклени Игли“ стои Христијан Јованоски кој е млад уметник, креативец и љубител на старите предмети кој верува дека секое парче стакло, секој заборавен уред и секој изгребан предмет носи потенцијал за нов живот. Неговото уметничко патување започнува со гравирање на стакло и огледала, но денес неговата работа постојано се развива, опфаќајќи реставрација, пренамена и уметничка трансформација на различни предмети и стара технологија.

Користејќи техника инспирирана од тетовирањето и алатки за прецизно гравирање, Христијан создава уникатни дела исполнети со детали, симболи и сопствени илустрации. Неговите раце можат да поправат стар дискмен, да оживеат заборавен MP3 плеер или да претворат обично стакло во уметничко дело што раскажува приказна.

„Стаклени Игли“ е повеќе од уметнички бренд бидејќи Христијан е посветен на идејата за враќање на допирот со физичкото и опипливото во време кога сè повеќе од нашите искуства стануваат дигитални. Тој верува во вредноста на предметите што можеме да ги држиме во раце, да ги чуваме и да создадеме личен однос со нив. Затоа се залага за враќање на културата на слушање музика на CD, собирање филмови на DVD и зачувување на физичките носачи на уметност и култура.

За него, ова претставува и форма на отпор кон современите трендови на целосна дигитализација и претворање на уметноста во минлива содржина. Наместо бескрајно скролање и привремени алгоритми, Христијан создава предмети што траат, стареат заедно со сопствениците и носат спомени. Преку „Стаклени Игли“ Кикс ги спојува уметноста, носталгијата и одржливоста, покажувајќи дека старите предмети не се отпад, туку сведоштва за културата, креативноста и човечката потреба да оставиме трага зад себе.